الى طلاب نوعيه

فى البدايه احب ان اخص بالشكر سيادة الرئيس راعى الرياضه والرياضيين وسيادة النائب راعى العلم والمعلمين والمتعلمين

والاداريين علشان مش يزعلوا واحب ان اهدى باكورة انتاج ابو الدهب كما يقولها صديقى سوفت دائما الى سيادة الرئيس طبعا مش

رئيس الجمهوريه انا اقصد رئيس جمهوريه قلبى واليكم اول قصائدى ارجو منكم التشجيع


البدايه

يانوعنجى يا ابو بندقيه *********************** تعالى واسمع القصيده ديه

واوعى تفكر انها مقلب حراميه ******************* لا هى كليه مش مقلب حراميه

بس نصيحه منى محدش قالها ليه* **************** دى نصيحه من الحته الجوانيه

اوعى تيجى الناحيه ديه ** ***************** وفكر الف مره ووزود عليهم ميه

انا فعلا من الكليه ديه **** * ******** بس محدش قالى النصيحه الحلوه ديه

ياريت متغلطوش الغلطه ديه ******** ******* *وروحو الجامعه وادخلو هناك اى كليه

حتى لو معهد مش كليه *************** اكرم لكم من المخروبه ديه

حتى لو مجموعك رماك الرميه ديه ************ صدقنى ده لو شيال احسن من الكليه ديه

هى فيها دكاتره تمام وميه ميه ************* ومعيدين تمام وميه ميه

وطلاب تمام وزى العسل ميه ميه ******* بس هتطلع منها ايه اى كلام مش ميه ميه

حلوه القصيده ديا

انا اقصد من اللى انا كتبته ده انى بحب الكليه دى جدا ومش عاوز

اى حد يدخلها ويبقى زى كده بيحبها جدا ويخرج منها متعلم وجامد جدا فى اى قسم لان السوق اقصد سوق العمل وليس سوق الخضار

مش مستحمل شيالين اقصد شغالين غيرنا انا واصحابى

واحب اقولك يا كليتى الحبيبه الى قلبى والعزيزه ان ما تعلمته فيكى لن انساه لن انسى ايامك الجميله واصدقائى العسل

وزى مابيقول المثل الشعبى دارى على قرارتك تزيد

او
اجرى ياابن ادم جرى الوحوش يا تلحق الميكروباص يا متلحقوش

بجد انا فعلا بهزر الكليه دى جميله جدا واحسن ما فيها اصدقائى وسيبك انت الواحد مش عارف بكره جاى فيه ايه على الاقل لو ملقيتش

شغلانه فى حته هنشتغل مدرسين ولو كمان مفيش تدريس هنعمل زى ما قال الدكتور الهلالى هنجيب كمبيوتر ونقعد فى الشارع ونطبع

ورق للناس ونكتب ابحاث ونعمل شغل بقى

شكرا

كتبها مخنوق من حياته وندمان على ما اقترفه من اخطاء جسيمه

ولا يسعنى سوى ان اناجى ربى

ربى قد ذاد الانين اشتكى ضعفى المهين ارتجيك يا الهى يا معين
قد بكى الليل دموعى اذ بكى قلبى الحزين
ربى قد اذنبت ذنبا نادما بك استعين
ربى انى قد اتيت هاربا منك اليك
فارحم اللهم عجزى واعفو عن عبد لديك

***** كلمات *****

التنميه البشريه : علم جديد يهتم بتنميه وتحسين قدرات الفرد للوصول الى مستوى يؤهله لتغير تفكيره وطريقه التعامل وابراز قدرات الفرد وتحفيزه للوصول للنجاح والتفوق ليس فى العلم فقط بل وكل جوانب الحياة عموما وزى ما بيقول (عمنا كلنا الدكتور الهلالى عميد كلية تربيه نوعيه بياخدوا المبادىء التى وضعها الاسلام ويحفلطوها ويصنعوا بها علوم جديده ونحن بالفطره نحب الجديد فننساق وراء العلوم الجديده )

فن التثبيت : اطلقت على التثبيت كلمة فن لما له من ابداع وطريقه لا يتقنها الا القليل من الناس وتعنى التثبيت المجامله الرقيقه للشخص الاخر كى تجذبه لكى يحبك او يتعاطف معك وهذه المجامله لا تخلو من الكذب ولو البسيط ولكنها تساعد الشخص فى التقرب من الاخر انتظروا اول كتاب لى سيكون عن فن التثبيت الذى يعد من افضل الاساليب المستخدمه للتقريب بين الافراد وزى ( ما بيقولوا ثبتنى ولا تغدينى )

الفلسفه : تعنى حب الحكمه وتعنى التدقيق فى كل شىء اى المناقشه الطويله والتفكير والاستذاده فى الشرح والتحليل والوصف (على سبيل المثال لما تقول لواحد انت بتتفلسف يعنى انت بتقوله خلص وقول السهل مش تفضل تتطول وتزود )وهى خاصة بكل شىء فى الحياة

فن الاستماع : طبعا الانسان الناجح هو اللى يقدر يسكت قبل ما الناس يغلقوا آذانهم وهو ده مربط الفرس يعنى الاستماع ده مهم جدا للانسان ولان الانسان لو اتكلم كتير اكيد هيغلط اكتر وبرده اللى بيسكت واحد من تلاته اما عالم حكيم بيسكت علشان يقدر يحكم صح ويستفيد كويس او جاهل اخرق لا يستطيع التحدث وللاستماع اداب نفسى اتعلمها صح انصحكم بتعلمها

الحب : معنى جميل واحساس رائع واوعى تسمعوا الكلام اللى بيقول انه غلط لا طبعا الحب ده شىء رائع صفه من صفات القلب فطريه مش بأيد اى حد بس لازم يكون فى اتجاهه الصحيح بعيد عن اكذوبة التليفزيون والرومانسيه الغير صادقه والمراهقه لازم ياخذ طريقه السليم
فلازم نعلى همة القلب بحب الله ورسوله واعلاء الحق والرضا *رساله (اجعل قلبك صدفه فى بحر لا تحمل سوى لؤلؤه واحده هى حب الله انى احبكم جميعا فى الله )

احب انوه ان كل الكلام ده من تاليفى يحتمل الصواب والخطا ولكنه راى يحترم الى ابعد الحدود وفى الاخر احب اقول كلمتين

متفكرش فى الماضى لانك اكيد هتزعل ومتفكرش فى المستقبل لانك اكيد هتحتار عيش اللحظه اللى انت فيها وحاول تستفيد منها قد ما تقدر
طلب بسيط
ادعوا لى بالتوفيق وبالوصول لى ما اريد ولك مثلها كما يقولون ( ثق فى اخ لم تلده امك اارجوا ان اكون لك هذا الاخ)

انتوا بتقولوا ايه يا جماعه

على فكره الموضوع ده كبير فعلا انتوا بتقولوا ايه يا جماعه البلد زى الفل كبارى ومواصلات ومستشفيات وكمان كليات ومدارس والجيش جميل وحلوا والاكل على قفا مين يشيل وزى ما تحبوا تقولوا قولوا
هحكى لكم قصه جامده جدا وهتعجبكم ان شاء الله فى يوم من الايام بنت اختى ( كلب عضها )المهم ان اختى راحت بيها المستشفى بسرعه علشان تتعالج تخيلوا بقى لقيت ايه فى المستشفى يا جماعه اقسم بربى ان دى مش مستشفى دى عمرها ما تستخدم للعلاج ده مقلب زباله واخرها كده( مع الاعتذار لمقلب الزباله) كمان البت بنت اختى تعبانه جدا ويحولونا على مستشفى تانيه لانها هى اللى بتستقبل الحالات طيب نروح المستشفى التانيه نلاقيهم يحولونا للقسم علشان نعمل محضر انتوا متخيلين انا بقول ايه المريض يروح هنا وهنا وهنا وهو فى عرض اغاثه واسعاف ومفيش اى حد هنا لا وبعد كده كمان لما خلصنا كل ده المستشفى لاتتخيلوها قاعه الزهور جميله غايه فى الروعه سراير بقى كتير وكمان حجره لكل مريض ودكتور نضيف لكل مريض الا والله انى كداب انا مش هوصف بالضبط ايه اللى شوفته بالضبط لان كل اللى هيشوف ده عمرة ما هيروح مستشفى تانى انا بدعيكم من هنا ان اللى تعبان يموت فى بيتهم احسن

فى اخر كلامى ده احب اعرفكم حاجه انا نفسى الدوله متبنيش مدارس ولا كبارى ولا ولا ولا اى حاجه بس الاقى مستشفى كويسه اتعالج فيها والاقى دكنور كويس يعالجنى

وانا مش زى كل مره هنهى كلامىبالامل والتفاؤل انا هقول كلمه واحده

الا لعنه الله على الظالمين وحسبنا الله ونعم الوكيل

مغلق للصيانه

انا مش هكتب اى مواضيع تانى فى المدونة حتى اقوم ببعض الصيانه ليست لجهاز الكمبيوتر الخاص بى

ولكن لصيانة افكارى والتجديد ومراجعة المواضيع القديمه والوقوف على مدى جدية المدونه

ولنشر اهداف المدونه شكرا لكل من قام بمشاهدة المواضيع التى قمت بنشرها


حتى تنتهى فترة الصيانه الفكريه سوف اقوم بقراءة بعض الكتب والمقالات

التى لم اكمل قراءتها واكمال بعض المشاريع التى كنت قد بدءتها

وتركت داخل عقلى ملفات سلبيه قد تؤثر على أفكارى فى المستقبل وكما يقولون

العلم يتكون من مجموعة افكار والفكره تكون العالم وافكار الانسان هى التى توصله

الى ماهو يه لذلك حاول ان تنقى فكرك وتصل به الى اليقين التام فى قدراتك

لعلك فى يوم تصل وحينما تصل لاتنسانى

اخوك محمد





كلماتى لكم


نفض للحزن

انسى الماضى ومتفكرش فى المستقبل اكثر من اللازم

فكر فى اللحظه اللى انت فيها

لأنها ممكن تكون اخر لحظه حاول تستفيد منها على قد ما تقدر

التناقض داخلك هل هو صراع العقل مع القلب ام العقل الواعى مع العقل الباطن

ردا على تعليق قد وصلنى يسألنى عن التناقض داخلى هل يحدث نتيجه للصراع بين العقل والقلب ام العقل الواعى والعقل الباطن ام العقل فقط

انا لم افكر قط فى موضوع كهذا من قبل ولكن عندما فكرت فى هذا الموضوع وجدت ان الصراع الداخلى

الذى يحدث أو التناقض الذى يحدث داخلى انا

هو نتيجه لصراع العقل الذى لايعرف سوى لغة الارقام والتطبيق والسلبيات والايجابيات وبين القلب الذى يعرف الاحساس والمشاعر على



سبيل المثال لو انسان وقع فى حب فتاه قد تكون هناك بعض الامور الذى يرفضها العقل لذلك لا يستطيع ان يصارحها بما فى داخله مثل



العادات والتقاليد _ انه طالب_الماديات مبادىء الشخص ده كده يعنى



اما القلب فيحثه على الاستمرار ويجعله يتقدم للامام بل ان القلب هو الذى يكسب هذا الصراع فى النهايه لأننى قلبى يتحكم فى ده عن نفسى



استكمالا للرد انا لم اكن اعرف اى شىء سوى القليل عن العقل الواعى واللاواعى (الباطن) وكل ما اعرفه هو من خلال محاضرة للدكتور ابراهيم الفقى عن الذاكره فتعلمت بعض الاشياء عن ذلك الموضوع وهو مايلى

العقل الواعى




العقل الذى يعى الاشياء



ويقوم هذا العقل بالتفكير والتحليل والمنطق



تركيزه محدود



يقوم ببرمجة العقل الباطن



يدرك هذا العقل 7ناقص أو زائد اتنين من المعلومات فقط



يفكر بطريقة متتابعه خطوه - خطوه

اما ما اعرفه عن العقل الباطن أو اللاواعى

العقل الباطن

هو القوة الكامنه فى الانسان

يخاطبه علم البرمجه العصبيه والتنويم بالايحاء

يستطيع استيعاب 2 مليارمعلومه فى الثانيه

محرك للعواطف والمشاعر والاحاسيس

يمثل 90 % من العقل لذلك اذا حدث اى تناقض هو اللى بيكسب

لا بد من تواصل العقل الواعى والباطن كى يحدث اكتمال للتفكير واذا حدث اى تناقض فى التفكير يفوز العقل الباطن به

عن نفسى انا لم أحس ابدا باتناقض او هذا الصراع بين العقلين لذلك كان ردى فى البدايه ان هذا التناقض بين العقل والقلب بداخلى

شكرا لكى على اهتمامك بمواضيعى شكرا لكى من قلبى ليس من عقلى

اليك ايها القلب المكلوم

عشت قرابه اربعة ايام فى حزن شديد وضيق واحساس بالظلم الشديد فقد تعرضت لحزن وحاله من الاكتئاب الشديد

والهم فى الايام القليله الماضيه بسبب درجاتى فى الترم الاول المهم انى فعلا لم اتخيل قط ان هذه الدرجات التى حصلت

عليها درجاتى فانا على ما اظن استحق خير منها

اما عن هذا الحزن فهو على غير عادتى لانى لم اكن اضع نصب عينى هذه الدرجات فى يوم من الايام لانى زى مايقول

الناس (عارف ديتها ايه واخرها ايه ومنفض)لكن هذا الحزن وهذ ه اللطمه كانت بمثابة اللطمه التى تعرضت اليها و قد

ايقظتنى تماما وجعلتنى افكر جديا فى ذهابى لهذه الكليه واقنعت نفسى انى مش هنتظم الترم الثانى ولكن بعد تفكير شديد

وجهد عقلى مضنى وبعض الاسئله التى سالتها لنفسى (انت اللى بتسمع وبتشوف حاجات كتير عن السعاده بتعمل بيها

ازاى وامام اول صدمه بتهرب &كمان انت ليه حطيت الدرجه فى بالك اوى السنه دى خليهازى كل سنه عادى وعيش

&ازاى بتقول للناس فى كل موضوع نفض وانسى الحزن والماضى ومبتعملش بده )

وفى النهايه وصلت لحل كويس هو انى هنفض للحزن وهنسى النتيجه وهكمل فى طريقى اللى بدأته للوصول لأهدافى

ومش هقف ولا هحبس نفسى فى دايرة الحزن اللى ممكن اندم على اى قراراتخذه فى وقت الحزن ده

الانشوه دى بتعبر عن الموضوع ده احب انا تشاركونى اياها

الا ياقلب لاتحزن ترى دنياك ما تسوى

ولا ياعين لا تبكى كفاية لوعة الذكرى

ويكفينا الم وجروح واحزان بها نكوى

نبى ننساكى يا لاحزان ونفرح فى أمل بكره

تراه الهم وان طول يجي له يوم وبه يطوى

ودايم خليها فى بالك وكل العسر له يسرا

أذا بتطاوع الدنيا تراك بنارها تصلى

نصيحه ابتعد عنها وعن ازماتها الكبرى

صعيبه حالة الدنيا تبى صبر وتبى تقوى

تراقب ربك المعبود وفى درب النبى المسرى

اذا تقدر تعيش بخير وتنسى الحزن والبلوى

فى ظل الدين نتعاون ونقهر دنية قشرا

الا ياربنا عفوك وغفرانك لك الدعوى

الايالله نبى قربك وجنتك لنا ماوى


حفظ النشيد :
http://download.media.islamway.com/several/324/100_Dwaween.mp3

الفصل الاول :التحدث مع الذات

التحدث مع الذات: اى الافكار التى تدور بذهنك

تاخذك فى اتجاه معين وتوجهك لفعل ما

والتحدث مع الذات ايضا هو الصوت الداخلى

الذى يجول بخاطرك دوما على سبيل المثال

عندما تتناقش مناقشه حاده مع احد ما

(خناقه يعنى )

فانك تحدث نفسك دائما لماذا لم

افعل كذا او كذا

وقد اجريت دراسات كثيره اخرها اثبت ان

هذا التحدث مع الذات يكون بنسبة 80%

سلبى وهذا ماستلاحظه انت بالتاكيد عندما

تدون النقاط التى تفكر فيها فى يوم واحد

ولاحظ النقاط السلبيه والايجابيه فيها وهذا

التفكير السلبى يؤدى بدوره الى القلق

والاضطراب الذان يؤديان الى الامراض

اى انه بكامل ارادتك تتفكر بصورة سلبيه

وتؤذى نفسك وتصاب بالامراض

(الضغط& النوبات القلبيه)

هناك خمسة مصادر للتحدث مع الذات

اولا الوالدين

الوالدين حيث ان الوالدين هما اول من يتصل

بالفرد ويربيه وينصحه ويعلمه تبعا لتقاليده

وعاداته ومعتقداته لذلك يكون لهم التاثير الواضح

فى شخصية الفرد

ثانيا المدرسه

بما انها البيئه الثانيه التى يحتك فيها الفرد مع الاخرين

واقرانه ويتعلم منهم الكثير

ثالثا الاصدقاء

يؤثرون ايضا بصورة ملحوظه على الفرد

رابعا الاعلام

التليفزيون وغيره واظن واضح تاثيره فى الاطفال

والكبار على حد سواء

خامسا الشخص نفسه

يؤثر فى نفسه اما بالسلب او الايجاب فهل يستوى

من يحاول ويسعى للتغيير ومن يقف

فى مكانه ويولم فقط او من لا يحاول حتى

ثلاث مستويات للتحدث مع الذات

الاول : الارهابى الداخلى او الاحباط الداخلى

الذى يشعرك دوما بانك فاقد الامل انت فاشل

انت انت انت الى اخره من كبسولات الاحباط

الثانى :لكن اينعم هوا كلمة ولكن التى تقولها حينما

تريد فعل شىء ولا تفعله لسبب

فتقول انا نفسى اصبح مبرمج ولكن

ليست معى نقود كافيه بيهزر اكيد

الثالث:التقبل الايجابى

وهو القدره على التغيير

والفعل مثل انا قوى انا استطيع انا اقدر

انواع التحدث مع الذات

اولا : الفكر

ان يفكر الفرد فى شىء ماضى او موقف حدث له

وهوا اما يكون تفكير ايجابى او تفكير

سلبى

ثانيا :التحدث مع الذات

يكون حيث ينتاب الفرد شعور بموقف محدد

ويضع فى اعتقاده ما كان يجب فعله فى هذا

الموقف


ثالثا : الجهر بالقول

يعنى تتكلم بصوت مرتفع عالى مع نفسك

الخلاصه

المهم انك تقدر تتحكم فى فكرك علشان تقدر تتغيره

مفيش حد يقدر يغير حاجه الا لما يحددها علشان

كده ححد افكارك حتى اكتبها فى ورقه

وبعدين شوف الافكار السلبيه ف

فيها وغيرها لأيجابيه بعكسهاوفكر وشغل المخ شويه

ياراجل هتلاقى نفسك بتعمل عكس

افكارك السلبيه لما تفكر فيها كويس

وحب نفسك لانك لو بتحب نفسك هتحاول تخليها احسن

فى النهايه

نفض للحزن انسى الماضى ومتفكرش فى المستقبل

اكثر من اللازم فكر فى اللحظه اللى

انت فيها لأنها ممكن تكون اخر لحظه حاول تستفيد

منها على قد ماتقدر

كتاب قوة التحكم فى الذات

هذا الكتاب من اقوى كتب الدكتور ابراهيم الفقى وهو ضمن سلسلة النجاح التى قدمها لنا كى نستطيع من خلالها السير

فى طريق النجاح خطوه بخطوه لنحققه ونستطيع اجتياز الصعاب وسوف اقوم بعرض هذا الكتاب ليس بتلخيص فى حد

ذاته ولكن عرضا لما استوعبته وفهمته من هذا الكتاب لأننى لا استطيع كتابة تلخيص لهذا الكتاب لما للدكتور ابراهيم

الفقى من قدرة على اخذ القارىء فى رحله شيقه عبر كتبه فلا ينفذ لقلبه الملل بل يستمر باشتياق دون احتياج لملخص

فانا الذى لا اطيق الجلوس منصت فى محاضرة واحده جلست أمامه اكثر من 10ساعات دون ملل أو ضيق ولكنى

اعرض عليكم فى سلسلة المواضيع القادمه ما فهمت من الكتاب واستفدت منه ويسرنى ايضا ان الفت انتباه بعض منك

الى قيمة الكتاب بما يحتويه ولسهوله اسلوبه وبراعة كاتبه فاذا بدأت فى قراءة هذا الكتاب تجد نفسك مستمتع شديد

الحرص على الاستفاده واكمال هذا الكتاب ايضا يخاطب الواقع العملى للفرد حيث يساعده فى تطبيق بعض الاستراتيجيات

التى تفيد فى الحياه وقد قيل عن هذا الكتاب الكثير والكثير ولكنى سأتجنب مقولات المشاهير الى اكبر درجة ممكنه

وسيكون هذا الكتاب بعون الله السبيل والمرشد الى السيطره على تفكيرك وتحويله من التفكير السلبى الى الايجابى حتى

يصبح القوه الذاتيه الروحيه بداخلك تدفعك للامام وتمر بك فوق الصعاب لتجتازها دون تعثر حتى تصل الى النجاح فى

النجاح كل ذلك بك وبنفسك لأنك انت المسيطر والقادر على فعل ذلك ليس انا من سينجح لك وليس الدكتور ابراهيم الفقى

من سينجح لك لا بل انت وحدك من يستطيع النجاح بنفسك وبقدراتك وبايمانك بقوتك الذاتيه تستطيع تحقيق اهدافك وما

يترتب عليها من تحقيق السعاده الذى يريدها الجميع

فى النهايه اقتبست كلمات الدكتور ابراهيم الفقى كى اكتبها بعد كل مواضيعى مع تغير بسيط فيها

عش بحب الله والتطبع بأخلاق النبى

عش بالحب عش بالفعل عش بالمرونه عش بالاستمراريه وعش بالشجاعه مع الحماس وقدر قيمه الحياه

اما كلماتى انا

نفض للحزن انسى الماضى ومتفكرش فى المستقبل اكثر من اللازم
فكر فى اللحظه اللى انت فيها لأنها ممكن تكون اخر لحظه
حاول تستفيد منها على قد ماتقدر

اتصل ب 222

ممكن تفتكروا ان هذا الموضوع عن مسابقات التليفزيون التى لا حصر لها
ولكن هيهات هيهات بين هذه المسابقه وبين الاخريات وساقص عليكم قصة
هذه المسابقه التى لا خاسر فيها ابدا لذلك أنصحكم دائما بالاتصال طالما
تريد الفوز ولا ترغب الا فيه دوما
القصه:
كنت جالس فى يوم مع احد اصحابى وأشكى له بعض المصاعب التى أواجهها
فرد عليا قائلا أتصل ب 222 فرديت بكل غباء قائلا انا لايوجد لدى رصيد
بهاتفى فقال لى اتصل ب222 فرديت عليه مرة اخرى بنفس الرد بحده شديده
فنظر الى ثم استرسل قائلا كلما عانيت من ضيق او شعرت بحزن او بعد عن
الله اتصل بهذا الرقم فقلت له كيف أتصل بهذا الرقم قال لى هذا الرقم لايعنى
رقم تليفون بل يعنى ان تقوم من النوم الساعة اثنين بعد منتصف الليل وتتوضأ
وتصلى ركعتين ثم تقرأ آيتين من القرآن الكريم وتدعوا ربك



عندما سمعت هذه الكلمات تعجبت وقلت له من قال لك هذه الكلمات فرد قائلا طفل
علمنى اياها نعم الطفل هو ونعم الصديق انت

وتذكرت كتاب الشيخ عائض القرنى لا تحزن ووضع أول اسباب وطرق الوصول
للسعاده اى عدم الحزن فى كلمه واحده هى يالله اذا اجبت على هذه لااسئله ستفهم
ما اقصد من يجيب المضطر اذا دعاه . من تهرع اليه اذا المت بك ضائقه او مصيبه
.من تدعوه عندما تريد شيئا .من يلبى دعواتك .من هو مقلب القلوب
هذا كله يعنى ان اول خطواتك للنجاح لازم ان تمر بمرحلة الايمان بالله وتنقيه روحك
كى تستطيع ان تدعوة ويجيبك لأن من شروط قبول الدعاء
ان تدعوه مع وجود يقين بقبول الدعاء

واذكركم ببعض آياته "﴿ يَسْأَلُهُ مَن فِي السَّمَاوَاتِ وَالْأَرْضِ كُلَّ يَوْمٍ هُوَ فِي شَأْنٍ ﴾
وكثير من الاحاديث النبويه التى تحث الناس على الدعاء لذلك فان الدعاء والتضرع لله
من اساسيات حل المشكلات والتغلب على الصعاب هيا بنا انا وانت نقصد الواحد القهار
داعين اياه راغبين فى نعمه وخائفين من عقابه ومتزللين لقوته وسيطرته علينا
وعلى قلوبنا مقتنعين باننا عباده وحق علينا ان ندعوه ونتضرع اليه

واختم قولى بهذا الدعاء :

اللهم إنا نعوذُ بك من الهمِّ والحزِ ، ونعوذُ بك من العَجْزِ والكَسَلِ ، ونعوذُ بك من البخلِ والجُبْنِ ، ونعوذُ بك من غلَبَةِ الدينِ وقهْرِ الرجالِ )) .

شكرا لك اخى

يحتاج الانسان الى الاصدقاء بجانبه كى يستطيع ان


يكمل مسيرة بدءها او يساعدوه فى الوصول للنجاح


وهذا بالفعل ما شعرت به عندما انتقدنى احد أصحابى


بسام فى طريقة تعاملى مع مدونتى وقال لى


فيما معناه انها مدونتك انت ليست مدونة ابن عمك أو


صاحبك أو ايمان بكرى أو غيره أوغيره دى


مدونتك أنت والمفروض ان مواضيعها تكون من


اعدادك انت وكأنه يريد ان يقول لى


لا تستخدم نجاح الاخرين كى تنجح بدون جهد



وبالفعل هذا النقدالبناء ساعدنى فى تغيير فكرى


بالنسبه للمدونه وهذا ما ستلاحظونه


اقتنعت بكلامه بصوره ستتيح لى ان شاء الله فى المستقبل


بوضع مقالاتى وموضوعاتى فى مدونتى لانها


مدونتى انا وانى أشكرك ياأخى على نقدك الذى


وضح لى امر هام كما ذكرت لك الشكر وانى على علم


تام بان التغيير يبدأ من الداخل حيث القرار النابع من


الذات لتتحسن وانى اتخذت هذا القرار


الان ان ابدأ من جديد فى جعل مدونتى تعبر عنى انا


وبدون مجامله انك من اكثر الناس الذين اثروا فى


وفى حياتى بصفه عامه جزاك الله خيرا على ذلك


وجمعنى واياك فى الجنه شكرا لك اخى

اليكم ثانى قصائد الشاعره ايمان بكرى (عبده مشتاق)

عبده مشتاق
>
دى الولايه الرابعه ليك والولايه الخامسه ليا

خمسة وخميسة فى عنيكم


يلى حتنؤم عليه

بطلو لؤم وخباثه


حد جاب سيرة الرياسة ؟

مالى أنا ومال السياسة

دى العبارة فى الدبارة

نفسى ابقى وزير ظغنن

والقى كرسى ف الوزارة

هو ده مش حق ليه

ولا يعنى كتير عليه ؟

حبه ليكم وحبه ليه

يوم عليكم ويوم عليه

ولا يعنى تكنشى فاكر

إنها ورث وتكيه

يا وزير بالاقدمية

الولاية الرابعة ليك والولاية الخامسة

لية نفسى اشوف شكل المنافق

والملاوع واللى نافخ بدلته ورافع إديه

والمراوغ والمقاوح

واللى عامل نفسه كافح

ربنا يعينك عليه

نفسى اشوف شكل المرابى

واللى كوش على الاراضى

واللى نام وضميره راضى

وربنا غضبان عليه

واللى عامل نفسه ديب

واللى سقف غصب عنه

واللى سقف رغم إنه

عارف ان السقف عيب

نفسىاقابل مره دندى ولسيمون ابن الفيميه

اصل متغاظ من غيظه بكره كده دى الغريزه

كان قصادى بن اللذيذه

وراح فى كرش اللى اسمه ايه

هو ده مش حق ليا

الولاية الرابعة ليك والولاية الخامسة لية

هو ده مش حق ليه

ولا يعنى كتير عليه

؟حبه ليكم وحبه ليه يوم عليكم ويوم عليه

اترك لكم البحث كى تجدوا باقى القصيده

اترك التعليق لكم

العيب فينا والله العيب فينا مش فحد تانى الناس لسعت ولا ايه ده اول تعليق بعد لما شوفت الصور الحلوه دى

عمة عربيه

الفها الترايخ وكتبتها انا ونشرتها ايضا انا<>
من هذا المكان العظيم :
ومواكبة لهذا الحدث الجلل أدعو لإجراء (غمة ) عربية
طارئه لبحث آخر المجريات على الساحه الفلسطينيه بعدما قامت القوات الإسرائيلية(كالعاده) بإقتحام قطاع ( غزه) وقامت بقصفة بوابل من القذائف والصواريخ ( ولا حياه لمن تنادى) مما أوجب ضروره عقد (عِمة) طارئه لإيجاد حلول عاجلة لوقف هذا العدوان السافر بحق إخواننا الفلسطينين.
ومن هذا المنبر أدعو كافة أصحاب ( العِمم) للتدبر وإيجاد بدائل للأزمه الراهنه . بشتى الوسائل الممكنه.
وأدعو لأن تكون نتائج (الغٌمة سرية) أخذا بمبدأ (دارى على قراراتك تزيد) ومراعاه شعور المواطنين الإسرائيلين العزل .
ولإخفاء القرارات الحاسمة التى ستغير وجه التاريخ . والتى ستجعل من فلسطين دوله عظمى بين يوم وليله وتجعل قطاع غزه يغنى ويقول (الحياه حلوه للى يركبها) على رأى الإمام العادل ( عادل إمام).
وبناشد (الأفف المتحده ) و(مجلس الأُمل)التحرك لوقف هذه المهزله الشنعاء التى يندى لها الجبين خجلا.
وفى بيان رسمى طارئ (لمجلس الخفراء العرب) أعرب عن أسفه للأحداث الجاريه ويدعو كافة الأطراف لضبط النفس وعدم الإنسياق وراء المهاترات. .
وأدعو قناة( الحظيرة بخطر)بأن توقف الهجوم على مصر أم الدنيا (لأن ده مش من الإتكيت).
علشان كده عيب ولا يصح على الإطلاق
وأرجو تفعيل التوصيات وخاصة المتراكمة من (العِمم)السابقة واللى خللت فى الأدراج .
وشكرا على متابعتكم لنشرة أخبار الساعه (الخامسة إلا ربع صباحا)
كان معكم( خميس أبو العافية) من الأراضى الفلسطينية المحتلة
وبقول لرجب ( رجب بوش صاحبك عنى رجب صاحبك جننى).
وبهدى للمستمعين أغنية (الفيلم العربى) (الحلم العربى)
شكرا وإلى اللقاء فى نشرة يوم (الجمعه ساعة الصلاه)
ولا عزاء للسيدات
بس ياريت مفيش حد يقول لحد على ميعاد النشرة لأنها سوف تنفرد(حضريا)بإذاعة التوصيات الناتجة عن (الغمة).
إلى اللقاء

قصيده هتعجبكم جدا اسمها كرباج ورا يأاسطه

كرباج ورا يا أسطه:
لمن تجاهل وجودى

لمن إقتحم حدودى

لمن كبلنى قيودى

لمن نزع أوتار عودى

لمن قلل من صمودى

لمن أطاح بعهودى

لمن أسال الدمع على خدودى

لمن أشعل النار فى جلودى

لمن ألهب فؤادى

لمن كان سببا فى سهودى

لمن أطفأ فرقدى

لمن قتل أسودى

لمن ألزمنى رقودى

لمن تعامى عن ردودى

لمن سئم حيودى

لمن أطلق بارودى

كتبها واحد صاحبى بسميه تاريخ سوفت

لازم تقدير تقدير لله يا محسنين

قد يعتقد الانسان اللى هيقرأ الموضوع ده انى بتكلم عن تقدير فى الكليه مع ان ده مش فى دماغى خالص ولله الحمد بس أعمل ايه حبيت اتكلم عن التقدير الذاتى للفرد والتقدير الخارجى من المجتمع للفرد علشان كده لما نشرت مدونتى للناس ولاصحابى بالذات لم أجد اى تعليق على اى موضوع اتخنقت وزعلت اوى بس قلت لنفسى ان الناس دول مش عاوزين حتى يكلفوا انفسهم ويكتبوا كلمة شكر او نقد حتى وكمان الناس دول مشغولين بس انا هقدر نفسى هكتب تعليق لنفسى ايه المشكله يعنى كل يوم اكتب تعليق نقد او تعزيز ليا وبرده هستمر لغيت محد يفكر فيا زى ما انا فكرت فى الناس وحبيت افيدهم بأى معلومه حتى ولو يعرفوا شاب فى سنى بيفكر فى ايه على الاقل انا أرجوا اى حد يدخل المدونه ياريت يكتب حاجه لله وحسنه قليله يا ولاد تمنع بلاوى كتيره اى واحد مش عارف يكتب تعليق يضغط على تعليقات تحت كل تدوينه ويكتب ليا فى الصندوق الخاص بالتعليقات اى كلمه نقد بقى او دعم معنوى المهم تكتبوا حاجه
وعلى فكره قبل ما اختم التدوينه دى أحب أقولكم ان الانسان محتاج لتقدير من الناس علشان يقدر يكمل فى طريقه او يصحح اخطاؤه أو يستفيد من خبرات الاخرين لأن مفيش أنسان كامل ويقدر يعيش بمفرده الدكتور مثلا مش يقدر يعيش من غير شيال وسباك وسواق اكيد مستحيل طبعا المجتمع كل متكامل

ملكة الشعر العامى

من احسن الشعراء العاميين بل هى ملكة الشعر العامى الا وهى الشاعره المصريه ايمان بكرى وكل اسبوع ليكوا منى قصيده كتبتها الشاعره ايمان بكرى والقصيده الاولى هى يابنت بلدى عيب وبتقول فيها
يابنت بلدي عيب
لما اللجام هيسيب
يسترخصوكي الناس
في بنطلون مزنوق
وبلوزه شبر لفوق
ولا حتى فـ الجمباز
عريتى تحت وفوق
ولا عدش عندك زوق
ولاعدش فى احساس
لحم الخروف مدبوح
نجيبه بطلوع الروح
ماتحصل الانفاس
ولحمتك بالكووم
دكان وطوول اليوم مفتوح لأرخص ناس
يخرب زمانا زمان
كأن عمره ماكان
لينا أصل ولا اساس